How to Cite
Abstract
Bronxial astma dunyo bo‘ylab keng tarqalgan surunkali yallig‘lanishli nafas yo‘llari
kasalligi bo‘lib, u bronxlarning giperreaktivligi, qaytuvchan obstruksiyasi hamda turli
klinik simptomlar bilan namoyon bo‘ladi. So‘nggi yillarda ushbu kasallikning uchrash
tezligi sezilarli darajada ortib bormoqda. Bronxial astmaning rivojlanishida irsiy
moyillik, immunologik buzilishlar va tashqi muhit omillarining o‘zaro ta’siri muhim
o‘rin tutadi. Kasallikning klinik ko‘rinishi bemorlarda hansirash, bo‘g‘ilish xurujlari,
quruq yo‘tal, ko‘krak qafasida siqilish hissi va nafas chiqarishning qiyinlashishi bilan
tavsiflanadi. Zamonaviy klassifikatsiyalar astmani etiologik omillari, og‘irlik darajasi
va nazorat darajasiga ko‘ra baholashni tavsiya etadi. Mazkur maqolada bronxial
astmaning etiopatogenezi, zamonaviy klassifikatsiyasi hamda klinik kechishining
asosiy jihatlari tahlil qilingan.
