O‘ZBEKISTONDA OLIY TALIM SOHASIDA OLIB BORILAYOTGAN ISLOHOTLAR VA UNING ISTIQBOLLLARI

Abstract

Ushbu maqolada O‘zbekistonda oliy ta’lim sohasida olib borilayotgan islohotlarning mazmuni, asosiy yo‘nalishlari, amaliy natijalari va istiqboldagi rivojlanish imkoniyatlari tahlil qilinadi. So‘nggi yillarda mamlakatda oliy ta’lim tizimini modernizatsiya qilish, qamrov darajasini oshirish, nodavlat va xorijiy oliy ta’lim tashkilotlari faoliyatini kengaytirish, ta’lim sifatini xalqaro mezonlarga moslashtirish, ilm-fan va ishlab chiqarish integratsiyasini kuchaytirish bo‘yicha tizimli chora-tadbirlar amalga oshirilmoqda. O‘zbekiston Respublikasi oliy ta’lim tizimini 2030-yilgacha rivojlantirish konsepsiyasida oliy ta’lim bilan qamrov darajasini 50 foizdan oshirish, davlat-xususiy sheriklikni rivojlantirish va sog‘lom raqobat muhitini shakllantirish ustuvor vazifa sifatida belgilangan. Maqolada Milliy statistika qo‘mitasi, hukumat portali, Lex.uz, UNESCO va Jahon banki ma’lumotlari asosida oliy ta’limdagi islohotlar natijalari baholanadi. Tahlil shuni ko‘rsatadiki, oliy ta’lim tizimining miqdoriy kengayishi sezilarli natija bergan bo‘lsa-da, sifat, mehnat bozori bilan moslashuv, ilmiy salohiyat, hududiy tenglik va xalqaro raqobatbardoshlik masalalari hali ham dolzarb bo‘lib qolmoqda