HAR BIR BOLA – MILLAT KELAJAGI: XALQ O‘YINLARI YORDAMIDA MA’NAVIY YETUK AVLOD TARBIYALASHDA JISMONIY TARBIYA FANI IMKONIYATLARI

Abstract

Ushbu tezisda jismoniy tarbiya fanining ma’naviy tarbiyadagi o‘rni, xususan xalq o‘yinlari orqali bolalarda axloqiy fazilatlarni shakllantirishdagi pedagogik salohiyati tahlil qilinadi. “Har bir bola – millat kelajagi” tamoyiliga asoslanib, yosh avlodni sog‘lom, ma’naviy yetuk, ijtimoiy faollikka ega bo‘lgan shaxs sifatida tarbiyalashda maktab ta’limi va ayniqsa jismoniy tarbiya mashg‘ulotlarining o‘rni beqiyosdir. An’anaviy xalq o‘yinlari, ularning ma’naviy-ma’rifiy va tarbiyaviy mazmuni, dars jarayonida qo‘llanilishining uslubiy jihatlari yoritilgan. Jismoniy tarbiya darslarida xalq o‘yinlaridan foydalangan holda bolalarda do‘stlik, tenglik, adolat, javobgarlik, o‘zaro hurmat kabi ijtimoiy qadriyatlarni shakllantirish mexanizmlari tadqiq etiladi. Tezisda amaliy tajribalar, tahliliy kuzatuvlar va metodik yondashuvlar asosida milliy meros vositalaridan foydalanib, kelajak avlod tarbiyasini sifat jihatdan yuksaltirish yo‘llari ko‘rsatib beriladi.