Keywords
tabiiy oziqlantirish
emizish
oilaviy poliklinika
patronaj xizmati
How to Cite
Abstract
Ushbu maqolada “Chaqaloq va go‘daklar salomatligida ona sutining o‘rni (oilaviy poliklinikalar ishtirokida)” mavzusi yoritilgan. Tadqiqotning asosiy maqsadi – ona suti bilan oziqlantirishning chaqaloq va go‘daklar salomatligiga ta’sirini baholash hamda oilaviy poliklinikalarda emizishni qo‘llab-quvvatlash bo‘yicha olib borilayotgan tadbirlarni tahlil qilishdan iborat. Tadqiqotda O‘zbekiston Respublikasi Sog‘liqni saqlash vazirligi tomonidan qabul qilingan buyruq va qarorlar, jumladan, ona va bola salomatligini muhofaza qilishga qaratilgan normativ-huquqiy hujjatlar asos qilib olindi. Xususan, ona suti bilan oziqlantirishni targ‘ib etish, “Bola emizishni himoya qilish, qo‘llab-quvvatlash va rag‘batlantirish milliy dasturi” doirasidagi ko‘rsatmalar hamda oilaviy poliklinikalarda patronaj xizmatlarini tashkil etishga doir me’yoriy hujjatlar amaliy tahlil qilindi. Tadqiqot davomida 0–12 oylik bolalarda tabiiy oziqlantirish ko‘rsatkichlari, sun’iy oziqlantirishga o‘tish sabablari, shuningdek, emizish holati va kasallanish darajasi o‘rtasidagi bog‘liqlik baholandi. Natijalar shuni ko‘rsatdiki, Sog‘liqni saqlash vazirligi buyruqlari va qarorlariga muvofiq tashkil etilgan patronaj va profilaktika ishlari olib borilayotgan oilaviy poliklinikalarda emizish ko‘rsatkichlari yuqoriroq bo‘lib, bu bolalar orasida respirator va ichak infeksiyalari kamroq uchrashiga ijobiy ta’sir ko‘rsatgan. Xulosa sifatida aytish mumkinki, ona suti chaqaloq va go‘daklar salomatligini ta’minlashda eng muhim tabiiy oziqlanish manbai bo‘lib, O‘zbekiston Respublikasi Sog‘liqni saqlash vazirligining tegishli buyruq va qarorlari asosida oilaviy poliklinikalar faoliyatini kuchaytirish emizishni qo‘llab-quvvatlash va bolalar sog‘lig‘ini mustahkamlashda muhim omil hisoblanadi.
References
1. O‘zbekiston Respublikasi Sog‘liqni saqlash vazirligi. Ona va bola salomatligini muhofaza qilish bo‘yicha me’yoriy-huquqiy hujjatlar to‘plami. – Toshkent, 2022.
2. O‘zbekiston Respublikasi Sog‘liqni saqlash vazirligi. Chaqaloqlarni ona suti bilan oziqlantirishni qo‘llab-quvvatlash bo‘yicha uslubiy qo‘llanma. – Toshkent, 2021.
3. Jahon sog‘liqni saqlash tashkiloti (JSST). Infant and Young Child Feeding: Model Chapter for Textbooks for Medical Students and Allied Health Professionals. – Geneva, 2009.
4. UNICEF. Breastfeeding: A Foundation for Life. – New York, 2018.
5. Victora C.G., Bahl R., Barros A.J.D. et al. Breastfeeding in the 21st century: epidemiology, mechanisms, and lifelong effect. The Lancet, 2016; 387(10017): 475–490.
