JADID MUTAFAKKIRLARINING TA'LIM-TARBIYAGA E'TIBORI

Mazkur maqolada jadid mutafakkirlarining, xususan, Abdulla Avloniy va Abdurauf Fitratlarning ta’lim-tarbiyaga doir ilg‘or g‘oyalari tahlil etilgan. Jadidlar maktab va ta’lim tizimini faqat bilim o‘chog‘i emas, balki barkamol insonni shakllantiruvchi tarbiya maskani sifatida ko‘rganlar. Maqolada Avloniy va Fitrat asarlaridan misollar keltirilib, ularning yosh avlodni vatanparvar, axloqli, bilimli va komil inson etib tarbiyalash haqidagi qarashlari yoritib berilgan. Jadidlar ta’lim-tarbiyani millat va jamiyat taraqqiyotining negizi sifatida ko‘rganlar va bugungi kunda ham ularning qarashlari o‘z ahamiyatini yo‘qotmagan. Ayniqsa, Avloniy tomonidan ilgari surilgan tarbiya bo‘yicha 4 asosiy yo‘nalish — zamon, badan, fikr va axloq tarbiyasi — bugungi yoshlar uchun ham dolzarb masala bo‘lib qolmoqda. Fitrat esa maktab va ta’limni jamiyat taraqqiyotining asosiy kuchi sifatida baholagan. Ushbu maqola zamonaviy O‘zbekistonda yoshlarni komil inson etib tarbiyalashda jadid g‘oyalaridan samarali foydalanish zaruriyatini asoslaydi.